【烹飪教煮】大廚教煮可樂雞翼　用瓦煲炆煮快入味【有片】

雞翼食得多，可樂煮雞翼你食過未？你沒有睇錯，可樂是可以用來煮雞翼。帝京酒店中餐行政助理總廚尤忠東就只需用上半罐可樂，加一些簡單調味料，便能煮出甜美的可樂雞翼，餘下的半罐可樂，還可以邊煮雞翼邊飲，不亦樂乎！

去片看：

尤師傅謂用可樂來煮雞翼不需用糖，因本身可樂已經夠甜。只要先把雞翼用簡單調味料醃過，並且用平底鑊稍為煎兩面上色。跟著改用瓦煲來炆煮便成。

為何要改用瓦煲煮可樂雞翼？尤師傅解釋因雞翼需要炆煮才入味，而瓦煲存熱好兼較平底鑊深，用來炆煮最適宜，跟著熄火來用餘溫焗熟雞翼，令雞翼肉質不會過「嚡」，很好用。

▲ 合上蓋後，可以熄火焗熟雞翼。(趙景隆攝)

至於為何還要加印尼甜豉油？他說是點睛調味，因為能令雞翼特別上色兼且煮好後有閃令令效果㗎！在一般泰印雜貨店有得售賣。

做法：   
1. 雞翼洗淨抹乾，用鹽、生抽、紹酒、胡椒粉及生粉醃雞翼約30分鐘。
2. 用中火稍煎雞翼至上色，撈起備用。

▲ 醃好的雞翼，先煎香兩面。(趙景隆攝)

3. 下油燒熱瓦煲後，爆香薑片、蒜片和蔥段。
4. 倒入半罐可樂、生抽、甜豉油和老抽。

▲ 大廚話其實可樂倒多小小都得，味道甜美些。(趙景隆攝)

5. 放回雞翼到醬汁滾起後加蓋，轉小火炆10分鐘。

▲ 再落餘下調味料來煮雞翼。(趙景隆攝)

6.再熄火焗20分鐘至雞翼入味便成。